Aj op vakàànsie goat noar Afrika, dan is het min of meer verplicht um de big 5 èzeen te hemn en op’n foto hemn èzet. De big 5 bestoat oet nù leeuw, un luipaard, nù neushoorn, nù olifant en nù buffel.
Ik zegge, wat in Afrika kan, kan ok in’n Waterhook! Dus doarumme presenteer ik oe met trots de kommende vief dage elken dag un foto van de groote 5 van’n Waterhook.
Vandage begin ik met het vaarkn. Dizzen zöt er nog neet al te knap oet. Mear wie neek knap is, kan nog wà leef wean! Toch? Het is un soort hangboekzwien, dat twee dage tiedelijk “logeert” in het vaarknhok van de buurn. Het kossen nog wà knooin um um op’n foto te kriegn, want hie was heel nieuwsgierig! Mear oeteandelijk is het èlukt (met wat dreigbewegingen en wat geroop…).