Dag 276 – Kreain

Wie hebt tingnwoordig geweldig velle kreain in de buurte. Hele zwaarmen nösselt zich in de beume bie’t hoes. Het is nog steeds un beschaarmden vogel, dus ie mangt ze neet ofscheetn. mear soms wo’j dat wà.
Mear aj good noagoat doot ze eigenlijk weinig verkeerde dinge, behalve dat ze geane van de maiskoele vret en het plastic kapot pikt. Doarenteang vret ze ok heel völle emeltn (larven van un langpootmuggge). En die emeltn bint ok wier schadelijk vuur ‘t grös want die vret de worteln op. Kortom, het is neet zo zwat-wit aj oawer kreain kuiert. En wussie ok dat de kreaie un zangvogel is? Alhoewel zien gekras neet biezunder welluidend is, wordte wà èreknd tot de zangvogels…

Dag276

Geef een reactie

Het e-mailadres wordt niet gepubliceerd. Vereiste velden zijn gemarkeerd met *