Wie hebt wat appelbeume bie’t hoes staon en umdaw lange neet alle appeln kunt opettn, wiw dur de aandern ok van loatn geneetn. Ik heb’ter dus wat in de kruukoare doan, un mooi papierkn dur bie èdoan dat het gratis is, en dit vervolgens bie oons an de weg èzet.
Nò bleek da’k vanmiddag alle appeln à kwiet wasse, inclusief kruukoare! Dus dat völ neet in goede aarde bie mie (zachjes oetedrukt). Miene mooie kruukoare èsteln! Wie zol dat toch doon? Ie kunt de leu rechtevoort ook neet meer vertrouwn! Miene verontwaardiging ok met miene vrouwe èdeelt en den was’t ok helemoal met mie eens. Het is toch wat!
Mear noa enig speurwaark en wat noavroangn bleek dat de buurman un grap met mie oet harre haald. Hee hà de kruukoare bie de Sarapoppe van un ààndere buurvrouwe neerezet. Dit ter verhoging van de feestvreugde…Mien humeur was inderdoad à tot un aardig deeptepeunt èdaald, dus dat kan allenig nog mear better wörn.
Mie moo neumn dit un echte Eanterse strekke. Doa stoat ze dus in Eanter um bekeend, um die flauwe grapn….Het apatte is dat buurman van oorsproonk oet Riessen koomp. Hij is dus à aardig inneburgerd in Eanter …
