Doar wordt nò wier drok èmaisd, zodat ze dat zengt. Eind september begeent het heel vuurzichtig en het stopt zo betje eind oktober. Het is no echt alle hens an dek vuur de loonwaaarkers.
Op dit làànd is un lessen mais èhakseld. Het leste wordt nog net in de grote koare achter un trekker ( de silagewaagn) èbloazen duur’n hakselaar.
Maisen is trouwens een woord dat alleenig duur de boern en loonwaarkers wordt gebroekt. Ik heb het oppèzoch in de Dikke van Dale, mear doar koomp het neet vuur. En ak dur op google (ok à zo niew waarkwoord) , dan veen ik het ok naarns. Zol het dan allenig mear un woord wean dat in de sprektaal wordt gebroekt? Zuw un aktie opstatn um het algemeen geaccepteerd te kriegn? Ik maise, ie maist, hee maist, wie maist, zie maist. Wie hebt èmaisd?
