Ai met goat met de tied, dan muj tenminste ok buienradar of buienalarm op oene telefoon of tablet hemn installeerd (aj den tenminste hebt) . Dan ku’j un heeln dag op schaarm kiekn wat vuur weer het wordt, in plaats van eawn noar boetn te goan en doar de loch in te kiekn. Dat schealt oe wier un stiewn nekke, want zo vake kieke ie neet meer omhooge. Dus wie keekn vanmorn ok op het schaarm en dachen dat de buje nog wà met väl. Noa 10 uur zolln de bujn wegtrekn en zolt wier opkloarn (später auflockerung zoas ze dat bie de wettervorhersage van’n Duutsen zengt). Al met al wörnt nog wà redelijk weer vandage.
Mear ja, ok buienradar heft neet aaltied good. Un radar stòn neet goed oettericht want vlak achter de wegtrekkende bujn zatn wier nieuwe bujn verstopt. Of de buje was ietskes grötter dan buienradar kon vuurspeln. Oeteendelijk hef het vandage ok un heeln dag èreangt… Was dit de wraak van de weergoden op oonze technische snufjes? Lik ter wà op. Dan muw morn toch mear eers noar de loch kiekn in plaats van direct op het schaarm te koekeloern.
