Van oet’n Waterhook noar un Es is mear un klein stukn horizontaal mear ok un hele klim, want ie goat van de leager èleangn groondn noar de hoger geleang groondn met as letterlijk en figuurlijk hoogtepùùnt ‘n Hambaarg.
Doar hoge op de hellingn van’n Hambaarg (de Eanterse almen) loopt ok twee lama’s in de weide. Zie bint zo van oet de Andes hier op’n Èantersen Es terechtekömn. Ik deanke dat ze vanwege de anpassingsprobleemn (zuurstofgebrek op grote heugten) allenig mear op’n Es terechte konn. En ik deanke ok dat ze vanwege un naam vuur’n Es hebt ekeuzen: Andes –> Eantersen Es. Zie moggen is verdwaaln…
ps. Het dea mie ok nog deankn an het Lama incident tussen Frank Rijkaard en Rudi Völler in 1990. Dus ik kwamme neet te dichte bie de lama, toek un foto maakn.
