Hieronder un vuurbeeld van de globalisering van oonze gebroekn! Sinds ongeveer 10 joar wordt in Nederlàànd het Halloween gebuurn èpromoot. Het is eind oktober dus het wordt wier tied vuur een griezelfeestje. Een Halloweenparty! Yeah….En ie mangt er allenig mear in aj oettedost bint um ààndern noar de ààndere wereld te helpn ofwel “Dress to kill”.
Wuurumme muw nò een Amerikaans feest importeern? En wuurumme muw hier dan wier Engelse weure vuur gebroekn? Het cafè hef un echen Èantersen naam “ ‘t Zumpke”, dat is helemoal good, mear dan de termen “Halloween Party” en “Dress to Kill” . Dit is duudelijk een geval van Twenglish. Tweants en Engels duur mekaar hen.
Aj dan zoneurig munt feesten in oktober, bedeankt dan un origineel feest, dus gen geimporteerd Oktoberfest (dat was bie café de Pijp) of Halloween party, mear bievuurbeeld een Knollntrekkersfeeest met echte knoln. Ai dan genog hebt èhad, hej de knoln op! Of een Eapelrooigala met “DJ Beernt-Jan, die kan dur wat van”! Wat dach ie van het Maiskoelnmöalke woe iedereen wat te ettn en dreenkn metneamp en woej dan oe eventuul könt bezatn an het echte Twentsche maisbeer(dit mut nog oeteveundn worn).
Ideeën genog, dus stop mear met dat klakkeloos importeern van boetnlaandse gebroekn en bedeankt zelf wat origineels Tweants.
