Doar wordt heel völle èskreewn oawer ofluuster praktijkn van de NSA. Zie hebt joarn làànk de telefoon van Angela Merkel offelusterd. Het blik nò zelfs ok nog dat de Engelsen hier ok neet vies van warn, want die harn op het dak van de Britse ambassade in Berlijn verschillende ofluustermassen en andere apperaatn stoan om de Duutse regering of te lustern. Kiek mear op onderstoanden foto.
Mear de ofluusterpraktijkn bint dichter bie dai dèènkt! Kiek mear op onderstoanden foto van de oole mölle van Slaghekke in Riessen. Wat vuur vremdsoortige antennes doar neet op stoat! En die rare roone piepn. Wat zoln ze doar met oflustern? De burgemèèster atte kuiert oawer samenwerkingsverbanden met ààndere gemeentes? De jumelagecommissie den saamnwaarkt met boetnlaandse plaatsen? Miskien wow un heeln dag wà èvolgd duur de Britn en de Amerikaann.
Ik heb mear èène road um doar met umme te goan, en dat is aaltied in het plat kuiern. Dat echte Riessens of Eànters verstoat ze toch neet in’t boetnlàànd!
