Un foto van de achterkàànte van oons hoes. Waj hier zeet is un muuranker. Un muuranker is bedoelt um de balkn van’n heuizoolder te verbeendn an de boetnmure um zo un gevel te beskaarmn teangn oetknikn. En natuurlijk um te vuurkomn daj un heuizoolder op de vloere van de delle veend…
Rechtevoort gebroekt ze dizze muurankers neet meer umdat ze nò völle bettern cement hebt wat de muurn steawiger maakt. Ie veent ze alèènig nog mear in muurn van gebouwn die vuur 1930 bint èbouwd,
De twee kruuskes di’j zeet bint zogenaamde smidsteakns (maalkruuze). Die wordt er innekaarvd at het iezer nog heete is. Zie bint bedoeld as beschaarming teang blikseminslag en ààndere kwade dinge. Het meest vuurkommende teakn is het het Andreaskruus, un schuun kruus. Ie kent het wàl van het verkeersbord vuur un geveurlike kruusing en van de spoorwegovergang (het spoer). Mear nò koomp het: ie zeet dit kruus ok wier terugge in het stiepelteakn van ‘n stiepel (un middelsen steunpoal) van de nienduure (achterduure). Nooit èweatn dat dit met mekaar te maakn hà.
Meer informatie köj veendn op dizze site en op dizze site.
