Het is vandage Sinterkloas, dus wie warn un heeln dag un betje ongerus. Zo’k de zommerklere àl kloar munn lengn vuur Spanje of zò’k toch in Nederlàànd munn bliewn? Ai vandage keakn noar het weer dàn was Spanje inderdoad de beste oplössing. Betje zunne, gen reangn en angename temparatuurn. Want wat was het vandage wier biester weer! Reang, weend en onwèèr. In Wiern hat zelfs nog èhageld. Het kon neet op… Sinterkloas is biekààns kets van’t dak èweaid met peerd en al. Mear gelukkig konne hier nog net wat duurn schosteen knikkern vuur dat dur of weain. En umdat Sinterkloas un traditie is, is het ok traditie um er un hartje bie te ettn. Het zogenaamde Riessense hartje En het smaakn nàà bes!
De volgende verkloaring owaer het Riessens hartje koomp oet Wikpedia:
t Riessens Hartje is nen soort kookn van spekulaas, met n löagke glazuur, en romigen kreame van roombotter en suker, wat allene inRiessen en Eanter roond Adveantstied emaakt wörd. t Hartje is skoonwal in de wiede umtrek bekeand en word met doezenden verkocht in umlignde plaatsen.
In t Duutse Ulm wörd al in 1296 vuur t eerste de zogenaamde Labkuchen in de beuke neumd, nen soort kookn wat dr stoark op lik. In Duutslaand is n spekulaaskookn ook wal bekeand as Lebkuchen, Pfefferkuchen en Lebenskuchen. Doar wordt ze völle um de karstdeage getn. Per strekke zut n pepperkookn dr wier aanders oet. In Beiern doot ze dr vake nötn oawerhen, en in aandere strekn völle sukela.
In 1881 kömn de bakkersbreurs Johannes en Lodewiek Tharner noar Riessen en nömn de bakkerieje oawer van Ro-Jan Kienhuis. Öar vaa was half 19de joarhoonderd vanoet Osnabrück noar Deanekaamp ekömn. De vaa köm al met 44 joar oet de tied, woernoa’t de bakkersweenkel in Deanekaamp wör op eheewn. De breurs begunn met t härtjen roond de Sunterkloastied in te voorn, woerbie’t de härtvorm t “Gulle härt van Sunterkloas” mos vuursteln. Ne aandere verkloaring vuur t härtjen kan wean at Johannes verkearing kreeg met Hendrika Siemerink oet Riessen. In Duutslaand was t gebroekelik um n pepperkookn an oew meakn te geewn, versierd met leentn, strikn of sprökn.
