Dag 346–Mien’n selfie

In Engelàànd was “selfie” het ni’je woord van het joar. In Nederlàànd was dat “participatiesamenleving”. Köj toch eawn het verschil zeen tusken de Engelsen en de Nederlanders… (welk woord zo’j oawer vief joar nog ken’n?)
Un selfie is un foto van oezelf èmaakt met un telefoontoestel. In dizzen blog participeer ik dus met mien’n selfie!
Ik wasse gistern bie de kapper um miene heure te loatn knippn. Het greuit nogal, en um dur neet al te weeld oet te zeen met de kasdage bi’k mear op tied noar de kapper ègoan. Bie de kapper zit ie dan vuur een heel groot speegel te koekeloern asse oe knipt. Wat is er dan makkelijker um un foto van oezelf te maakn via het speegel. Het kossen wat knooin um het goeie knöpke in te drukn (dat spul is dan ok zo klein en fien), mear het is èlukt. En dat met mien’n prachtigen diegelijken Nokia oet de joarn zestig. De kwaliteit van’n foto is wat meender, en doarumme mos ik, dèank ik, het volle pond betalen an de kassa. Volgende keer mear un àànderen camera metnemn…
As compensatie he’k ter nog un aandern foto van de kapper bie èdoan.

Dag346

IMG_3629-001

Geef een reactie

Het e-mailadres wordt niet gepubliceerd. Vereiste velden zijn gemarkeerd met *