Dag 356 – Klein kealke en groot’n stal

Zoa’k èèrgistern skreeve is het hoes en´n stal van de buurn hoaste kloar. Um un indruk te geawn van de grootte van´n stal, zeej hier Ramon, het buurjeunkn, milln vuur´n stal stoan (het gelle stipke miln in). Vrogger mon´n de ställe zo lèage en plat meugelijk, umdat er dan un hypotheek van de bàànke better op kon rössen. Rechtevoort is het juus het umgekeerde. Zo hooge meugelijk en zo völle meugelijk inhoold in’s stal. Miskien dat er dan un hypotheek better inpast? Ik weet het neet, mear het bint wàl wier grote investeringen met völle ni’je techniek. Mooj um te zeen! Un melkrobot dreait bievuurbeeld onder Windows…(gen Apple). En dan is ter ok nog un automatisch voersysteem. De buurman kan en hoof neet mear met un trekker de delle op. An de ziedkààntn van’n stal löp un voerrobot oawer un rail en den haalt het voor oet grote bäkke achterin’n stal. Ie hoowt er zelfs neet meer bie met de vorke of greape. Het systeem döt alles vuur oe. As boer bi’j nò un heeln dag drok um te kiekn of de apparaatn wàl good waarkt. Ie hebt het neet meer zozèèr in de bötte mear ie kriengt het èèrder ie oe heuwd…

Dag356a

As leste nog un enigzins dramatischen foto den wiergef dat het de leste tied good nat is èwes!

Dag356

Geef een reactie

Het e-mailadres wordt niet gepubliceerd. Vereiste velden zijn gemarkeerd met *