Doar wordt ezeg dat de musken langzamerhand begint oet te starven in Nederland. Enigzins oawertrokn lik mie dat wah, want dur vleengt er hier nog zat van roond. Het lik wah of dat er steeds meer van komt. Zie nösselt hier onder de dakpann’n en in’t vuurjoar is het een an- en ofgevleeg. Luchthaven “Waterhook” köj wa zengn. Dur wordt hier in een’n dag meer evlöngn dan straks (at het ooit duurgeet) in één heel joar op vliegveld Twente.
At er ooit un gebrek an musken koomp in de res van Nederland, dan köj dur hier wah wat haaln. Köj ze oetzettn, net zo as die Zweedse korhoenders op’n Hoolterbaarg (woer’t neet al te best met geet……). Miskien kriew dan wah subsidie van “Famous Grouse Sparrow”
Begriepe dat ook nit. Bie oons bunt er ook zat.
Tis Black Grouse, neet Famous Grouse. Smaakt ok nog better.
Maakt mie niks oet, mear Famous Grouse is ech un whiskey maark. Kiek mear op internet!
Werrik wa, meer op de fleske van Famous Grouse steet ne ‘sneeuwhoender’, gin korhoender.
Okee, meaqr de achtergroond was dat Famous Grouse nou ok de “nieuwe” Zweedse korhoenders op ’n Holterbaarg sponsort.